ԱՄՆ Հյուսիսային Կարոլինա նահանգում կնոջը մեղադրանք է առաջադրվել չկանխամտածված սպանության մեջ այն բանից հետո, երբ նրա երեխան մահացել է, այն բանից հետո երբ վերջինս նրան թողել է տաք մեքենայում, հայտնում է AP-ն՝ վկայակոչելով ոստիկանությանը։

Շառլոտ-Մեկլենբուրգի ոստիկանական բաժանմունքի տվյալներով՝ 8-ամյա աղջկան տեղափոխել են տեղի հիվանդանոց, երբ նրան չորեքշաբթի երեկոյան ծայրահեղ վիճակում գտել են մեքենայում, բայց ավելի ուշ նա մահացել է:

Երեխայի մորը մեղադրանք է առաջադրվել կանխամտածված սպանության և երեխայի նկատմամբ դաժան վերաբերմունքի համար՝ դիտավորությամբ ծանր մարմնական վնասվածք պատճառելու համար։

Կինը ոստիկաններին ասել է, որ դստերը թողել է մեքենայում, երբ գնացել է աշխատանքի: Հեռանալուց առաջ, ըստ նրա, միացրել է մեքենայի օդորակիչը, բայց երեխան կարող էր անջատել այն, քանի որ մրսել է:

Վերջին անգամ կինը դստերից հաղորդագրություն է ստացել մեքենա վերադառնալուց մոտ մեկուկես ժամ առաջ։ Հենց այդ ժամանակ նա հայտնաբերել է երեխային անգիտակից վիճակում ընկած հետևի նստատեղի հատակին։

Ոստիկանությունը հայտնել է, որ կինը մուրճով կոտրել է հետևի ապակին՝ դստեր մոտ հասնելու համար: Այնուհետև նա մեքենայով գնացել է հիվանդանոց, բայց կանգ է առել մոտակա խանութում՝ օգնություն ստանալու համար, ասում են իշխանությունները: Ինչ-որ մեկը զանգահարել է 911 և հայտնել արտակարգ իրավիճակի մասին: Երեխայի մահը հաստատվել է այն բանից հետո, երբ շտապօգնության աշխատակիցները երեխային տեղափոխել են Novant Health Presbyterian Medical Center: