նախընտրելի դարձնել
Իսպանական Air Europa ավիաընկերության Boeing 787-9 Dreamliner ինքնաթիռը հարկադիր վայրէջք է կատարել Բրազիլիայում, երբ որոշ ուղևորներ վիրավորվել են ուժեղ մրրկայնության պատճառով։ Ըստ BBC-ի՝ 2018 թվականի արտադրության EC-MTI համարով գրանցված ինքնաթիռն իրականացնում էր Մադրիդից Ուրուգվայի մայրաքաղաք Մոնտեվիդեո UX45 չվերթը։ Միջադեպից հետո ինքնաթիռն ուղղորդվել է Բրազիլիայի հյուսիս-արևելյան Նատալ միջազգային օդանավակայան։
Ըստ Air Europa-ի՝ տուժած ուղևորներին օգնություն է ցուցաբերվել: Ուրուգվայի ԱԳՆ-ն հայտնել է, որ վիրավորները տեղափոխվել են Նատալի հիվանդանոց, իսկ ոմանք արդեն դուրս են գրվել: Ուրուգվայում Ֆրանսպրես գործակալության դիվանագիտական աղբյուրը հայտնել է, որ ընդհանուր առմամբ տուժել է 25-30 մարդ, որոնց մեծ մասը թեթև վնասվածքներ է ստացել: Air Europa-ն հայտնել է, որ պահեստային չվերթը պետք է թռչեր Մադրիդից՝ ուղևորներ վերցնելով Նատալում և շարունակելով թռիչքը Մոնտեվիդեոյի ուղղությամբ:
