նախընտրելի դարձնել
Բուդապեշտը մեղադրել է Եվրահանձնաժողովին անդամ երկրների նկատմամբ ընտրովի վերաբերմունքի մեջ Հունգարիա հանձնակատարների կոլեգիայի այցի չեղարկման եւ նիստերում հունգարական նախագահության ներքո նիստերի ներկայացուցչության մակարդակը փոխելու պատճառով։ Այս մասին տեղեկացրել է «Европейская правда»-ն։
Հունգարիայի կառավարության Եվրոպայի գործերի նախարար Յանոշ Բոկան X-ում գրել է, որ Եվրամիությունը միջազգային կազմակերպություն է՝ բաղկացած անդամ պետություններից, իսկ Եվրահանձնաժողովը ԵՄ կառույց է։
«Եվրահանձնաժողովը չի կարող ընտրովի մոտենալ ինստիտուտներին եւ անդամ պետություններին, որոնց հետ ցանկանում է համագործակցել։ Մի՞թե Եվրահանձնաժողովի բոլոր որոշումներն այժմ հիմնվում են քաղաքական նկատառումների վրա»,- ավելացրել է նա։
Միեւնույն ժամանակ, Եվրախորհրդարանի պատգամավոր եւ Հունգարիայի վարչապետ Վիկտոր Օրբանի «Ֆիդես» կուսակցության փոխնախագահ Կինգա Գալը X-ում հայտնել է, որ այդ քայլը Եվրահանձնաժողովի նախագահ Ուրսուլա ֆոն դեր Լյայենի ընտրապայքարի մի մասն է, որպեսզի վերընտրվի երկրորդ ժամկետի համար։
«Մենք վարժվել ենք այն բանին, որ նա օգտագործում է ԵՄ ինստիտուտները հատկապես Հունգարիայի դեմ քաղաքական շանտաժի եւ ճնշման համար։ Դա անընդունելի է եւ հակասում է եվրոպական համագործակցության էությանը»,- զայրացել է նա։
Նախօրեին, հաշվի առնելով Վիկտոր Օրբանի «խաղաղ այցերը», Եվրահանձնաժողովի ղեկավար Ուրսուլա ֆոն դեր Լյայենը չեղարկել էր հանձնակատարների կոլեգիայի այցը Հունգարիա եւ շտկումներ կատարել հունգարական նախագահությամբ նիստերի ներկայացուցչության մակարդակում։
Մի քանի օր առաջ Եվրահանձնաժողովի ներկայացուցիչ Էրիկ Մամերը հասկացրել էր, որ ԵՀ-ում պատրաստում են հետեւանքներ Հունգարիայի համար Մոսկվա Վիկտոր Օրբանի չհամաձայնեցված այցի պատճառով։
Եվրամիության իրավաբանական ծառայությունը ավելի վաղ սահմանել էր, որ Հունգարիայի վարչապետի բանակցությունները Պուտինի հետ հակասում են ԵՄ պայմանագրերին։
ԶԼՄ-ի տվյալներով՝ Եվրամիության պետությունները դիտարկում են Հունգարիային պատժելու տարբերակները նրա վարչապետի Ռուսաստան կատարած չհամաձայնեցված այցի պատճառով։
