նախընտրելի դարձնել
Արժույթի միջազգային հիմնադրամը հետաձգել է Ռուսաստանի կառավարության հետ խորհրդակցությունների վերականգնումը եվրոպական երկրների դիմումից հետո, որոնք հայտարարել են, որ համագործակցությունն ագրեսորի հետ հաղթաթուղ կտա կրեմլյան քարոզչությանը։
ԱՄՀ առաքելությունը չի սկսի աշխատանքը սեպտեմբերի 16-ին, ինչպես ենթադրվում էր, ՏԱՍՍ-ին տեղեկացրել է Ռուսաստանից հիմնադրամի գործադիր տնօրեն Ալեքսեյ Մոժինը։ Առաքելության աշխատանքը կհետաձգվի անորոշ ժամանակով, ասել է նա։
Օնլայն խորհրդակցություններից հետո հիմնադրամի պատվիրակությունը նախատեսում է այցելել Մոսկվա եւ հոկտեմբերի 1-ին հանդիպել պաշտոնյաների հետ։ Bloomberg-ի եւ Politico-ի աղբյուրների խոսքով՝ հիմնադրամում առաջարկել են առերես խորհրդակցություններ անցկացնել երրորդ երկրում։
Վերջին անգամ ԱՄՀ առաքելությունը ամենամյա այցով Մոսկվայում է եղել 2019թ. նոյեմբերին, քովիդի համավարակի ժամանակ։ Այնուհետեւ հիմնադրամը դադարեցրել է համագործակցությունն այն բանից հետո, երբ Վլադիմիր Պուտինը պատերազմ սկսեց Ուկրաինայում։ Աշխատանքի վերսկսման մասին որոշումը ԱՄՀ-ում բացատրել են Ռուսաստանում տնտեսական վիճակի կարգավորմամբ։ Բայց եվրոպական ինը երկրներ ուրբաթ հիմնադրամ են ուղարկել նամակ եւ բողոք հայտնել կարգադրիչ-տնօրեն Կրիստալինա Գեորգիեւային։ Նրանց կարծիքով՝ հիմնադրամը օբյեկտիվ գնահատական չի ստանա ռուսական տնտեսության մասին, քանի որ Մոսկվան հաջողությամբ դիմակայում է արեւմտյան պատժամիջոցներին։ Կրեմլը կօգտագործի ԱՄՀ առաքելությունը իր քարոզչական նպատակների համար՝ դա բացատրելով հարաբերությունների կարգավորմամբ. դա կհարվածի ԱՄՀ հեղինակությանը։
ԱՄՆ ֆինանսների նախարար Ջանեթ Յելենը հայտնել է, որ չի առարկում տնտեսության ամենամյա ուսումնասիրման վերականգնմանը, եթե միայն հիմնադրամը չսկսի Ռուսաստանին ֆինասական աջակցություն ցուցաբերել։
ԱՄՀ-ը ստիպված էր բարձրացնել Ռուսաստանի տնտեսության աճի գնահատականը, որն արագացել է շնորհիվ հսկայական ներդրումների սպառազինությունների արտադրությունում, պատերազմի հետ կապված բումի, ի հաշիվ վճարումների ավելացած «դագաղային» փողերի պայմանագրային զինծառայողներին եւ աշխատավարձի աճի՝ աշխատողների անբավարարության պատճառով։ ԱՄՀ գարնան տվյալների համաձայն՝ ՀՆԱ-ն 2023թ. ավելացել է 3,6 տոկոսով՝ մեկ տարի առաջվա 1,2 տոկոս կրճատումից հետո։ Ներկայում հիմնադրամն սպասում է 3,2 տոկոս աճ, իսկ հաջորդ տարի՝ 1,8 տոկոս։
