ԱՄՆ նախագահ Դոնալդ Թրամփի վարչակազմը հինգշաբթի եւ ուրբաթ օրերին զանգվածային կրճատումներ է իրականացրել դաշնային կառավարությունում, ինչն ազդել է հազարավոր աշխատողների վրա, որոնք աշխատում են երկու տարուց պակաս, տեղեկացրել է CNBC-ն։

Գործունեության դադարեցումն ազդել է ամենից շատ հարգված որոշ դաշնային գործակալությունների վրա, ներառյալ Հիվանդությունների վերահսկման եւ կանխարգելման կենտրոնները (CDC) եւ ազգային անվտանգությունը, ինչպես նաեւ կարեւոր փոքր գործակալությունները, ինչպիսին է Միջուկային անվտանգության ազգային վարչությունը (NNSA, գործակալությունը մշակում, կառուցում եւ վերահսկում է ԱՄՆ միջուկային զենքի պաշարները), որոնք կարեւոր դեր են խաղում ազգային անվտանգության ապահովման  գործում։

Կրճատումները, որոնք վերաբերում են փորձաշրջան անցնող աշխատակիցներին, վերջին քայլն են Թրամփի եւ միլիարդատեր Իլոն Մասկի՝ կառավարությունը կրճատելու հեռահար ծրագրերում:

Դաշնային կառավարությունում գրեթե բոլոր նոր աշխատողներն անցնում են մեկ տարվա փորձաշրջան, երբեմն ավելի շատ, որտեղ նրանք ավելի քիչ երաշխիքներ ունեն:

Ներքին անվտանգության դեպարտամենտի ներկայացուցչի խոսքով՝ տեղի է ունեցել 405 կրճատում, այդ թվում՝ ավելի քան 130-ը՝ Կիբեռանվտանգության եւ ենթակառուցվածքների պաշտպանության գործակալությունում եւ ավելի քան 200-ը՝ Արտակարգ իրավիճակների կառավարման դաշնային գործակալությունում:

Թրամփի վարչակազմը միակողմանիորեն աշխատատեղերի կրճատումներ է սահմանել՝ չունենալով Կոնգրեսի հավանությունը դաշնային գործակալությունները կրճատելու կամ վերակազմակերպելու հարցում:

Թրամփի վարչակազմի դեմ ավելի քան 60 դատական ​​հայց է դիտարկվում՝ գործադիր իշխանության լիազորությունների չարաշահումների վերաբերյալ: Կրճատումներից տուժել է ԱՄՆ անտառային ծառայության ավելի քան 3 000 մարդու, իսկ վետերանների գործերի դեպարտամենտում՝ ավելի քան 1 000 մարդ, տեղեկացրել է Reuters-ը:

Անձնակազմի կառավարման վարչության տվյալներով՝ կարող են տուժել հարյուր հազարավոր մարդիկ, թեեւ ազատումների լրիվ ծավալն առայժմ հայտնի չէ։