ՆախընտրելիՌուսաստանի ԿԸՀ-ն որպես նախագահի թեկնածու է գրանցել «Սպրավեդլիվայա Ռոսիա» կուսակցության առաջնորդ Սերգեյ Միրոնովին:
Գրանցումից հետո ելույթ ունենալով լրագրողների առջեւ` Միրոնովը հայտարարել է, որ կհաղթի Վլադիմիր Պուտինին եւ «նրա հրաժարականի հարցը կորոշվի»:
Հաղթանակի դեպքում Ս. Միրոնովը ծրագրում է հիմնովին վերանայել պատգամավորների ընտրությունների մասին օրենքը, ինչպես նաեւ 2012թ. դեկտեմբերին «նոր օրենքին համապատասխան նոր ընտրություններ» նշանակել, հաղորդում է rbc-ն:
Հիշեցնենք, ավելի վաղ Կենտրոնական ընտրական հանձնաժողովը գրանցել էր ՌԴ վարչապետ Վլադիմիր Պուտինի թեկնածությունը: Փաստացի, Միրոնովը դարձավ գրանցված երկրորդ թեկնածուն:
Բացի այդ, առաջադրման եւ փաստաթղթերի հանձնման ընթացակարգ են անցել նաեւ ՌԼԴԿ առաջնորդ Վլադիմիր Ժիրինովսկին, ՌԴԿԿ առաջնորդ Գենադի Զյուգանովը եւ «Յաբլոկո» կուսակցության հիմնադիր Գրիգորի Յավլինսկին:
Ընտրություններին մտադիր են մասնակցել նաեւ ինքնառաջադրված թեկնածուները` գործարար Միխայիլ Պրոխորովը, Վլադիվոստոկի նախկին քաղաքապետ Վիկտոր Չերեպկովը, չգրանցված «Վոլյա» կուսակցության ղեկավար Սվետլանա Պեունովան, ինչպես նաեւ Իրկուտսկի նահանգապետ Դմիտրի Մեզենցեւը եւ օրենբուրգցի հասարակական գործիչ Ռինատ Համիեւը:
