նախընտրելի դարձնել
Իսրայելն առաջին անգամ ավիահարված է հասցրել Բեյրութին անցած տարվա նոյեմբերին Լիբանանի հետ հրադադարի համաձայնագրի ստորագրումից հետո, գրել է The Guardian-ը։
Հարվածը հասցվել է Բեյրութի հարավային Դահիա արվարձանին։ Պայթյունից առաջ իսրայելական բանակը հրամայել է տարհանվել եւ զգուշացրել է, որ գրոհելու են շենքը Դահիայում։
ՑԱԽԱԼ-ի ներկայացուցիչը X սոցիալական ցանցում տեղադրել է քարտեզ, որը ցույց է տվել շենքը կարմիր գույնով եւ բնակիչներին խորհուրդ է տվել հեռանալ ավելի քան 300 մետր հեռավորությամբ:
Նախազգուշացմանը հաջորդել են անօդաչու թռչող սարքերի երկու հարվածներ։ Իսրայելական բանակի ներկայացուցիչն ավելի ուշ ասել է, որ ավիահարվածները թիրախավորել են լիբանանյան «Հեզբոլլահ» շարժման բեռնատարի եւ անօդաչու թռչող սարքերի պահեստը, որը հայտնի է որպես 127 ստորաբաժանում:
Այս նախազգուշացումը ստիպել է Դահիայի բնակիչներին փախչել։ Հայտնվել են կադրեր, որոնցում երեւում է, թե ինչպես են բնակիչները թաքնվում Բեյրութի կենտրոնի մայթերին։
