նախընտրելի դարձնել
Ռումինիայի կոմունիստական ռեժիմի անկումից հետո առաջին նախագահ Իոն Իլիեսկուն հոսպիտալացվել է մայրաքաղաքի հիվանդանոցում՝ առողջական վիճակի վատթարացման պատճառով, հաղորդում է Digi24 հեռուստաալիքը՝ վկայակոչելով իր աղբյուրներին։
Նշվում է,որ Իլիեսկուն տեղափոխվել է վերակենդանացման բաժանմունք։ Նախկին նախագահի վիճակի և հոսպիտալացման պատճառների մասին տեղեկություններ չեն հաղորդվում։
95-ամյա Իլիեսկուն Ռումինիայում իշխանության եկավ 1989 թվականի դեկտեմբերին Նիկոլաե Չաուշեսկուի տոտալիտար ռեժիմի փլուզումից հետո։ Նա երեք անգամ ղեկավարել է Ռումինիան՝ 1989-1992 թվականներին՝ որպես Ազգային փրկության ճակատի խորհրդի նախագահ, 1992-1996 թվականներին և 2000-2004 թվականներին՝ որպես երկրի ընտրված նախագահ։ Նա նաև երկու քրեական գործերով հետաքննության տակ է։ Իլիեսկուն մեղադրվում է 1989 թվականի դեկտեմբերյան իրադարձությունների ժամանակ Ռումինիայում զինվորականների հետ համատեղ «ահաբեկչական հոգեբանական խանգարում» կազմակերպելու մեջ, որի արդյունքում մեծ թվով զոհեր են եղել։ 1990 թվականի հունիսի 13-15-ը կառավարության դեմ ցույցը ցրելու գործով նա մեղադրվում է մայրաքաղաքում զանգվածային ջարդեր կազմակերպած հանքագործներին կանչելու մեջ։
