նախընտրելի դարձնել
Լեհաստանի նոր նախագահ Կարոլ Նավրոցկին չի ցանկացել օգտագործել իր նախորդի Mercedes-ը և անցել է բացառիկ BMW-ի, հաղորդում է auto-swiat հրատարակությունը։
Լեհաստանի նախկին նախագահ Անջեյ Դուդան վարել է Mercedes W140 մակնիշի մեքենա։
«Կարոլ Նավրոկին, ինչպես իր նախորդները, երթևեկում է զրահապատ լիմուզինով։ Նրա ներկայիս մեքենան BMW 7 Series Protection է, որի արժեքը գնահատվում է մոտ 2 միլիոն զլոտի (ավելի քան 500,000 դոլար)», - ասվում է հայտարարության մեջ։
Հստակեցվում է, որ նման մեքենաներն արտադրվում են միայն անհատական պատվերով։ Այսպես, Նավրոցկու BMW-ն կարող է դիմակայել գնդացրային կրակոցներին, պայթյուններին, քիմիական հարձակումներին։ Լիմուզինը հագեցած է գնդակաթափանց ապակիներով և օդի զտման համակարգով։ Սև BMW 7-Series-ի շարժիչը V8 է՝ 530 ձիաուժ հզորությամբ, որը թույլ է տալիս 6․6 վայրկյանում մեքենան 100 կիլոմետր/ժամ արագության հասցնել։
Նավրոցկին օգոստոսի 6-ին պաշտոնապես ստանձնել է Լեհաստանի նախագահի պաշտոնը՝ փոխարինելով Անջեյ Դուդային: Ինչպես իր նախորդը, նա նույնպես Յարոսլավ Կաչինսկու «Օրենք և արդարություն» կուսակցության թեկնածու է:
