նախընտրելի դարձնել
Սաուդյան Արաբիայի տրանսպորտի անվտանգության ազգային կենտրոնը շաբաթ օրը հայտնել է, որ Saudia ավիաընկերության ուղևորը փորձել է բացել ինքնաթիռի դուռը վայրէջքից հետո, հաղորդում է Al Arabiya-ն։
Կենտրոնը հայտնել է, որ Saudia-ի SV119 չվերթը, որը մեկնել էր Ջիդդայից և ուղևորվում էր Լոնդոնի Հիթրոու օդանավակայան, նախորդ շաբաթ դարձել է դեպքի ականատես, երբ ուղևորը փորձել է պտտել ինքնաթիռի դռան բռնակը՝ այն պահին, երբ ինքնաթիռը շարժվում էր վայրէջք կատարելուց հետո։
«Հաջողվել է հեռացնել ուղևորին ինքնաթիռի դռան մոտից, և ապահովվել է ինչպես նրա, այնպես էլ մյուս ուղևորների անվտանգությունը», – հայտնել են կենտրոնից՝ հավելելով, որ ենթադրվում է, որ այդ ուղևորը առողջական խնդիրներ ուներ։ «Ներկայումս կենտրոնը ավարտում է համագործակցությունը Սաուդյան Արաբիայի և համապատասխան բրիտանական իշխանությունների հետ՝ դեպքի մանրամասները պարզելու նպատակով»։
