Ուկրաինայի նախագահ Վլադիմիր Զելենսկին իր Telegram-ալիքում պատմել է ֆրանսիացի գործընկեր Էմանուել Մակրոնի հետ կայացած զրույցի մասին։

«Քննարկեցինք ռուսական գիշերային դաժան հրթիռակոծությունը։ Ցավոք, Ուկրաինայում չորս մարդ զոհվեց, ավելի քան 44-ը վիրավորվեցին։ Մեր փրկարարները և շտապ օգնության ծառայությունները դեռևս վերացնում են հարձակման հետևանքները ամբողջ երկրում»,- նշել է Զելենսկին։

Ըստ Ուկրաինայի նախագահի, ինքը և Մակրոնը համակարգել են իրենց դիվանագիտական ջանքերը, հետագա քայլերը և շփումները գործընկերների հետ՝ «համապատասխան պատասխան» ապահովելու համար։

«Ֆրանսիայի հետ միասին նախապատրաստում ենք նոր միջոցառումներ՝ մեր պաշտպանությունն ամրապնդելու համար»,- եզրափակել է Զելենսկին։

Ավելի վաղ ուկրաինական լրատվամիջոցները հայտնել էին Ուկրաինայի տարածքի և, մասնավորապես, Կիևի զանգվածային հրթիռակոծության մասին։ Հաղորդվել էր Ռուսաստանի հարվածի հետևանքով կառավարական շենքի վնասման, ինչպես նաև մի քանի զոհերի, այդ թվում՝ մանկահասակ երեխայի մասին։