Իսպանիան խստացնում է Իսրայելի նկատմամբ իր քաղաքականությունը։ Վարչապետ Պեդրո Սանչեսը հայտարարել է զենքի մատակարարումների ամբողջական էմբարգոյի մասին և սահմանափակող միջոցառումների փաթեթ է ներկայացրել։ Այս մասին հայտնում է Aljazeera-ն։

Իսպանիայի կառավարության ղեկավարի խոսքով՝ այս քայլը նպատակ ունի աջակցել Գազայի խաղաղ բնակչությանը և նախատեսված է քաղաքացիական բնակչության շրջանում զանգվածային զոհերի թիվը կանխելու համար։

Ներկայացված նախաձեռնությունների առանցքային տարրը դարձել է թագավորական հրամանագիրը, որը պաշտոնապես ամրագրում է Իսրայելի հետ զենքի առևտրի վրա արդեն իսկ գործող արգելքը՝ հոկտեմբերից 2023 թվականից։ Սահմանափակումները վերաբերում են սպառազինության, զինամթերքի և ռազմական տեխնիկայի վաճառքին և գնմանը։

Լրացուցիչ միջոցառումների թվում է նաև իսպանական նավահանգիստներում այն նավերի կայանման արգելքը, որոնք Իսրայելի բանակի համար վառելիք են տեղափոխում։ Օդային տարածք մուտքը նույնպես փակ է ռազմական նյութերի փոխադրման մեջ ներգրավված ինքնաթիռների համար։

Կառավարությունն առանձին կետով անձնական պատժամիջոցներ է սահմանել այն անձանց նկատմամբ, որոնք կարող են ներգրավված լինել Գազայում ռազմական հանցագործությունների և մարդու իրավունքների խախտումների մեջ։ Խոսքը նման պաշտոնյաների մուտքի արգելքի մասին է և սահմանափակումների տակ են հայտնվում Իսրայելի վարչապետ Բենյամին Նեթանյահուն և նրա կառավարության անդամները։

Սանչեսն ընդգծել է, որ պետության պաշտպանության և այն գործողությունների միջև, որոնք հանգեցնում են խաղաղ բնակչության մահվան, տարբերություն կա։ Նա նշել է, որ տասնյակ հազարավոր զոհերն ու միլիոնավոր տեղահանվածները ինքնապաշտպանության մասին չեն վկայում, այլ անպաշտպան ժողովրդի նպատակային ոչնչացման։