նախընտրելի դարձնելՀայաստանից Վրաստան ներմուծման ծավալը 2011թ-ին կազմել է 59 մլն դոլար: Այդ մասին նշվում է Վրաստանի ազգային վիճակագրական բյուրոյի կողմից հրապարակված երկրի արատքին առեւտրի մասին տեղեկանքում:
Վրաստանից Հայաստան արտահանումը 3,8 անգամ ավելի է` 223 մլն դոլար: Վրաստանից ներմուծող ապրանքների ծավալով Հայաստանը երրորդն է` Թուրքիայից եւ Ադրբեջանից հետո: 2011թ. արդյունքներով` ամենադրական առեւտրային սալդոն արձանագրվել է հենց Հայաստանի հետ:
Նշենք, որ փոխադարձ առեւտրի ծավալների մասին Հայաստանի եւ Վրաստանի վիճակագրական մարմինների տվյալները ամբողջությամբ չէ, որ համընկնում են: Վրացական տվյալներով` Վրաստանից արտահանումը Հայաստան 2011 թ-ին կազմել է 159,7 մլն դոլար, հայկական տվյալներով` միայն 54,3 մլն դոլար: Սակայն սա կարող է պայմանավորված լինել մեքենաների ներմուծմամբ, որոնց նշանակալի մասը Հայաստան է բերվում Վրաստանով: Ավտոմեքենաների վերաարտահանումը Վրաստանից արտահանման հիմնակն կետն է (Geostat տվյալներով`20,6% արտահանման ընդհանուր ծավալում): Հայաստանում մենքենաների ներմուծումը գրանցվում է ծագման երկրով:
Ընդհանուր առմամաբ, 2010թ. հայկական կողմի տվյալներով` Հայաստանից Վրաստան է արտահանվում հիմնականում ապակի եւ ապակե տարաներ(11 մլն դոլար), պլաստիկե արտադարք (5,6մլն), թեյ եւ սուրճ (3,9 մլն դոլար):
Վրաստանը Հայաստան է արտահանում ցիտրուս (8,3մլնդոլար), գինի եւ լիմոնադ (3,5 մլն), պարարտանյութ (3,1 մլն), սեւ մետաղներ (9,7 մլն):
Վրաստանի խոշորագույն առեւտրային գործընկները շարունակում են մնալ Թուրքիան եւ Ադրբեջանը: 2011 թ-ին Վրաստանի եւ Թուրքիայի միջեւ առեւտրաշրջանառությունը կազմել է 1,5 մլրդ դոլար...
Վրաստանի եւ Ադրբեջանի միջեւ առեւտրաշրջանառության ծավալը եւս գերազանցում է 1 մլրդ դոլարը: Վրաստանից արտահանման հիմնական կետը նորից մեքենաներին է վերաբերում, իսկ Ադրբեջանից Վրաստան է ներմուծվում նավթամթերք:
