Լեւոն Արոնյանը պարտվեց Դավիդ Նավարային, բայց պահպանեց առաջին տեղը

Վեյկ ան Զեեի սուպերմրցաշարի 11-րդ տուրում անսպասելի պարտություն կրեց Լեւոն Արոնյանը, որը սպիտակներով խաղաց 10 տուրում ընդամնենը 2,5 միավոր վաստակած չեխ Դավիդ Նավարայի հետ: 60-րդ քայլում Արոնյանը ստիպված էր ընդունել պարտությունը: Աշխարհի երկրորդ համարը պահպանեց առաջինը տեղը` 7,5 միավոր: Կես միավոր է հետ նորվեգացի Մագնուս Կարլսենը, որը պարտության մատնեց Վեսելին Տոպալովին: 7 միավոր ունի նաեւ ադրբեջանցի Թեյմուր Ռաջաբովը: Նա առավելության հասավ հայրենակցի` Վուգար Գաշիմովի նկատմամբ: Նախավերջին տուրում Արոնյանը կմրցի Բորիս Գելֆանդի, իսկ վերջին տուրում` Թեյմուր Ռաջաբովի հետ:

11-րդ տուր

Արոնյան - Նավարա` 0:1

Կարլսեն - Տոպալով` 1:0

Կարուանա - Գիրի` 1:0

Գաշիմով - Ռաջաբով` 0:1

Իվանչուկ - Գելֆանդ` 0:1

Կամսկի - Նակամուրա` 0,5:0,5

Վան Վելի - Կարյակին` 0:1

Մրցաշարային աղյուսակ