Ուժեղ ձյան եւ մերկասառույցի, ինչպես նաեւ ձնահոսքի աճող վտանգի պատճառով Մցխեթի-Ստեփանցմինդա-Լարս ճանապարհին Փասանաուրի-Լարս հատվածում արգելված է բեռնատար մեքենաների եւ 30-ից ավելի ուղեւորրի համար նախատեսված ավտոբուսների երթեւեկությունը:

Ըստ Վրաստանի ավտոճանապարհային բաժնի տեղեկատվության` տրանսպորտի այս տեսակների համար երթեւեկությունը թույլատրելի է միայն անիվներին երկաթե շղթաների, ինչպես նաեւ մեքենայում երկու վարորդի առկայության դեպքում: 

Գուդաուրի-Քոբի հատվածում մեքենաները  ձնահոսքից  պաշտպանվելու նպատակով կտեղաշարժվեն թունելներով: Գուդացիր-Քոբի եւ Ստեփանցմինդա-Լարս հատվածներում ավտոկանգառն արգելված է: Երթեւեկության նշված կարգը կվերահսկվի ոստիկանության կողմից: Ճանապարհի այլ հատվածները բաց են երթեւեկության համար:

Հունվարի 24-ին ստացած թույլտվությունից հետո դեռ չբացված` Վերին Լարսի անցակետը կրկին փակ է: Հունվարի 27-ից  Գուդուարի-Քոբի հատվածը նորից փակ էր վտանգավոր հեղեղների պատճառով: Ճանապարհի մակերեւույթի ձյան շերտը հասել է մեկուկես մետրի: