Միացյալ Նահանգները մտադիր է մինչև տարեվերջ փոխել Կուբայի կառավարությունը․ The Wall Street Journal

ԱՄՆ-ն ակտիվորեն ձգտում է մինչև տարեվերջ Կուբայում ռեժիմի փոփոխության, գրում է The Wall Street Journal-ը։

Վենեսուելայի նախագահ Նիկոլաս Մադուրոյի ձերբակալությունից ոգևորված՝ Թրամփի վարչակազմը Կուբայի կառավարության կազմում փնտրում է ազդեցիկ անձանց, ովքեր կարող են օգնել գործարք կնքել՝ «մինչև տարեվերջ կոմունիստական վարչակարգը տապալելու համար», հայտնել են աղբյուրները։

Թրամփի վարչակազմը Կուբայի տնտեսությունը գնահատել է որպես փլուզման եզրին գտնվող և նշել, որ կառավարությունը երբեք այսքան փխրուն չի եղել, որքան Մադուրոյի նման կարևոր հովանավորին կորցնելուց հետո, հայտնել են այդ աղբյուրները։

Պաշտոնյաները չունեն կոնկրետ պլան կոմունիստական կառավարության տապալման համար, որը գրեթե յոթ տասնամյակ իշխում է կարիբյան այս կղզում, սակայն նրանք Մադուրոյի ձերբակալությունը և մնացած դաշնակիցների կողմից հետագա զիջումները դիտարկում են որպես օրինակ և նախազգուշացում Կուբայի համար։