նախընտրելի դարձնելԱԱԽ քարտուղար Արթուր Բաղդասարյանն այսօր` փետրվարի 15-ին, ընդունել է Հայաստանում Մեծ Բրիտանիայի եւ Հյուսիսային Իռլանդիայի Միացյալ Թագավորության դեսպան տիկին Քեթրին Ջեյն Լիչին եւ քննարկել երկու երկրների միջեւ համագործակցության խթանմանն ուղղված հարցերի լայն շրջանակ:
ԱԱԽ մամուլի ծառայությունից NEWS.am-ին հայտնում են, որ անդրադարձ է եղել Հայաստանում ԵՄ լայն ներգրավվածությամբ իրականացվող բարեփոխումների ընթացքին, ինչպես նաեւ առաջիկա խորհրդարանական ընտրություններին:
Քննարկվել են նաեւ տարածաշրջանային գործընթացների կարգավորմանն առնչվող հարցերի լայն շրջանակ:
Տիկին Քեթրին Ջեյն Լիչը նշել է, որ Մեծ Բրիտանիան շահագրգռված է ջանքեր գործադրել տարածաշրջանում խաղաղության, կայունության եւ զարգացման ուղղությամբ:
Հանդիպման ընթացքում քննարկվել են նաեւ միջազգային անվտանգության խնդիրներին եւ Մերձավոր Արեւելքի իրադարձություններին վերաբերող հարցեր:
