նախընտրելի դարձնել
ԱՄՆ նախագահ Դոնալդ Թրամփը չափավոր գնահատական է տվել Ֆրանսիայի նախագահ Էմանուել Մակրոնի՝ Հորմուզի նեղուցով անվտանգ անցումն ապահովելու ջանքերին միանալու պատրաստակամությանը։
«Ես նրա հետ խոսեցի,- ասել է Թրամփը երկուշաբթի Սպիտակ տան միջոցառման ժամանակ,- Զրոյից տասը սանդղակով ես նրան կգնահատեի ութ»։
«Կատարյալ չի,- ուսերը թոթվել է Թրամփը,- բայց դա Ֆրանսիան է»։
Թրամփը քննադատել է ԱՄՆ դաշնակիցներին, որոնք հրաժարվում են աջակցել նեղուցը պարեկելու իր պահանջին։ Ֆրանսիան հայտարարել է, որ պատրաստ է պաշտպանական ուղեկցություն տրամադրել նեղուցով անցնող նավերի համար՝ պատերազմի «ամենաինտենսիվ փուլի» ավարտից հետո։
Թրամփը նաև ընդգծելէ, որ ԱՄՆ-ն «նրանց օգնության կարիքը չունի»։ «Մենք աշխարհի ամենահզոր ազգն ենք։ Մենք ունենք ամենահզոր բանակը, որը գերազանցում է բոլորին։ Մեզ նրանց կարիքը չունենք», - ասաց նա։
«Որոշ դեպքերում ես դա անում եմ ոչ թե այն պատճառով, որ մեզ օգնություն է պետք, այլ՝ տեսնելու համար, թե ինչպես են նրանք արձագանքում»,- հավելել է Թրամփը։
Ավելի ուշ նա հայտարարել է, որ վարչակազմը կտրամադրի այն երկրների ցանկը, որոնք պատրաստ են ապագայում օգնել Միացյալ Նահանգներին Հորմուզի նեղուցի հարցում: «Նրանք արդեն ճանապարհին են, նրանք արդեն սկսել են շարժվել: Գիտեք, դա պարզապես մի փոքր ժամանակ է պահանջում»,- պարզաբանել է ԱՄՆ նախագահը:
