Հորմուզի նեղուցը փակ չէ։ Նավերը տատանվում են, քանի որ ապահովագրողները վախենում են ձեր ընտրած պատերազմից, այլ ոչ թե Իրանից։ Այս մասին X սոցիալական ցանցում գրել է Իրանի արտգործնախարար Աբաս Արաղչին՝ ի պատասխան Հորմուզի նեղուցի վերաբերյալ ԱՄՆ նախագահ Դոնալդ Թրամփի վերջին հայտարարությանը։

«Ոչ մի ապահովագրող և ոչ մի իրանցի չեն ընկրկի նոր սպառնալիքների առաջ։ Փորձեք հարգանք դրսևորել։

Նավագնացության ազատությունն անհնար է առանց առևտրի ազատության։ Հարգե՛ք երկուսն էլ, հակառակ դեպքում մի՛ սպասեք ոչ մեկը»,- նշել է Արաղչին։

Ավելի վաղ ԱՄՆ նախագահ Դոնալդ Թրամփը սպառնացել էր Իրանին ոչնչացնել նրա բոլոր էլեկտրակայանները, եթե Հորմուզի նեղուցը 48 ժամվա ընթացքում չբացվի։