նախընտրելի դարձնել
Իտալիայի արտգործնախարար Անտոնիո Տայանին սոցիալական ցանցերում հայտարարել է, որ բոլոր մայրցամաքներից ավելի քան 40 երկիր մասնակցում է Հորմուզի նեղուցի ճգնաժամին նվիրված հանդիպմանը։
Նա հայտարարել է Հորմուզի նեղուցով «մարդասիրական միջանցք» բացելու անհրաժեշտության մասին։
«Պատերազմն արագ ավարտելու համար մենք բոլորս պետք է աշխատենք Միավորված Ազգերի Կազմակերպության բազմակողմանի շրջանակում։ Կարևոր է ՄԱԿ-ի միջոցով աշխատել ոչ միայն նեղուցում նավարկության ազատությունն ապահովելու, այլև պարարտանյութերի մատակարարման համար «մարդասիրական միջանցք» ստեղծելու և նոր պարենային ճգնաժամից խուսափելու ուղղությամբ՝ սկսած աֆրիկյան երկրներից։ Իտալիան շարունակում է աշխատել իր գործընկերների հետ անհապաղ լարվածության թուլացման համար և Իրանին կոչ է անում դադարեցնել նեղուցում բոլոր թշնամական գործողությունները։ Նավարկության ազատության և էներգետիկ շուկաների կայունության ապահովումը առաջնահերթություններ են»,- նշել է Իտալիայի արտգործնախարարը։
