Լիբանանի հարավում գտնվող Սիդոն շրջանի Քֆար-Խաթա քաղաքին իսրայելական ավիահարվածի հետևանքով զոհվել է յոթ մարդ, այդ թվում՝ չորս տարեկան աղջիկ, հայտնում է լիբանանյան NNA գործակալությունը։

Լրատվամիջոցի տեղեկություններով, կիրակի Իսրայելը հարվածել է Բեյրութի հարավային մասին։

Բժշկական աղբյուրը AFP-ին հայտնել է, որ հարվածը հասցվել է պետական հիվանդանոցից մոտ 100 մետր հեռավորության վրա։ Թիրախում Բեյրութի Ջնա թաղամասն է եղել, որը գտնվում է Ռաֆիկ Հարիրիի անվան համալսարանական հիվանդանոցի՝ երկրի խոշորագույն պետական բժշկական հաստատության հարևանությամբ։