Սերբիայի նախագահ Ալեքսանդր Վուչիչն այսօր Հունգարիայի վարչապետ Վիկտոր Օրբանի հետ քննարկել է Սերբիան ու Հունգարիան միացնող գազային կարևոր ենթակառուցվածքին ուղղված սպառնալիքի փաստով սերբական ռազմական և ոստիկանական մարմինների հետաքննության առաջին արդյունքները. հայտնել է Tanjug-ը։

Վուչիչը սոցիալական ցանցերում հայտնել է, որ հեռախոսազրույց է ունեցել Հունգարիայի վարչապետի հետ և այդ ընթացքում Օրբանին տեղեկացրել է Սերբիայի ռազմական և ոստիկանական մարմինների կողմից իրականացվող հետաքննության առաջին արդյունքների մասին:

«Մեր ստորաբաժանումները հայտնաբերել են կործանարար ուժի պայթուցիկ և այն գործի դնելու համար անհրաժեշտ ձողեր։ Ես տեղեկացրեցի վարչապետ Օրբանին, որ հետաքննության հետագա ընթացքի մասին կհայտնենք նրան»,- ասել է Վուչիչը։