ՆախընտրելիԻլինոյս նահանգի նախկին նահանգապետ Ռոդ Բալգոեւիչն ուղարկվել է գաղութ կաշառակերության համար պատիժը կրելու: Նա դատապարտվել է 14 տարվա ազատազրկման:
Բլագոեւիչին, մասնավորապես, ներկայացվել են մեղադրանքներ Իլինոյս նահանգի սենատորի տեղը վաճառելու փորձի համար, որն ազատվել էր այն բանից հետո, երբ իր պաշտոնը զբաղեցնող Բարաք Օբաման դարձել էր ԱՄՆ-ի նախագահ:
Ընդհանուր առմամբ, պաշտոնյան մեղավոր է ճանաչվել 17 կետերով (այդ թվում նաեւ շանտաժի, կաշառակերության եւ խարդախության նպատակով համաձայնության գալու համար): 2011 թվականի դեկտեմբերին դատարանը նախկին նահանգապետին դատապարտել էր 14-ամյա ազատազրկման եւ 20 հազար դոլար գումարի չափով տուգանքի, հայտնում է «Միրը»:
Դատապարտված Ռոդը, մինչեւ բանտ ուղեւորվելը, մամլո ասուլիս է կազմակերպել իր տան շեմին` հայտարարելով, որ իր համար դեռեւս ոչինչ ավարտված չէ:
