Թուրքիայում հայկական գերեզմանների նկատմամբ հերթական վանդալիզմն է տեղի ունեցել:
Թուրքական Aykiridogrular կայքի փոխանցմամբ՝ Թուրքիայի Սիիրթ (Սղերթ) նահանգի Էրուհի շրջանում նոր ճանապարհ կառուցելու համար քանդվել է հայկական գերեզմանոցը:
Քրդական Խերթ գյուղի սահմանների մեջ գտնվող հայկական եկեղեցին մինչ այս արդեն ավերվել էր, իսկ շարունակությունը եղավ, որ թուրքական իշխանությունները եկեղեցին վերանորոգելու փոխարեն սկսեցին քանդել եկեղեցու հարեւանությամբ գտնվող հայկական գերեզմանոցը:
Թեեւ մարդկային կմախքները ցաք ու ցրիվ են եղած շրջակայքում, պատասխանատուները շարունակում են հայերի ոսկորների վրա ճանապարհ կառուցել:
Նշենք, որ Թուրքիայում հայտնի են բազմաթիվ դեպքեր, երբ հայկական գերեզմնանները քանդվել են՝ տեղում կառուցելով դպրոց, մանկապարտեզ, հիվանդանոց, մարզադաշտ եւ ավտոճանապարհ:
