Մեկշաբաթյա նվազումից հետո ամերիկյան դոլարի փոխարժեքը հայաստանյան ֆինանսական շուկայում վերջապես կայունացավ 405-406 դրամի միջակայքում: «ՆԱՍԴԱՔՕԷՄԷՔՍ Արմենիա» բորսայում այսօր՝ փետրվարի 5-ին դոլարի առուվաճառքի գործարքներ չեն կնքվել՝ պահանջարկը եղել է 1դոլար/405 դրամ փոխարժեքով, իսկ առաջարկը՝ 1դոլար/406 դրամ փոխարժեքով:
Կանխիկ արտարժույթի շուկայում դոլարի առուվաճառքի փոխարժեքը, ինչպես եւ երեկ, տատանվում է 404-407 դրամ միջակայքում:
Forex միջազգային շուկայում եվրոն այսօր նվազել է դոլարի նկատմամբ՝ Իսպանիայում եւ Իտալիայում քաղաքական լարվածության աճի պատճառով: Եվրոն սակարկվել է 1,34-1,35 դոլարի սահմաններում:
Ռուսաստանի կենտրոնական բանկն այսօր բարձրացրել է դոլարի փոխարժեքը ռուբլու նկատմամբ՝ 1 դոլարն արժե 30,1231 ռուբլի: