Օքսֆորդի համալսարանի գիտնականները բացահայտել են, որ գեղեցիկ ձեւավորված կերակուրները ավելի համեղ են թվում, քան սովորականները, անգամ եթե վերջիններս միանգամայն նույն բաղադրիչներն ունեն, գրում է Independent-ը: Հետազոտողները 18-58 տարեկան 60 կամավորների մասնակցությամբ փորձարկում են իրականացրել:
Նրանք բոլորը գեղարվեստորեն ձեւավորված կերակուրները ավելի համեղ են համարել, քան նույն բաղադրությամբ պատրաստված սովորական ուտեստները: Ավելին, բոլոր մասնակիցները պատրաստ են եղել հայտնի աբստրակցիոնիստների նկարների ոճով պատրաստված աղցանների համար ավելի շատ վճարել, քան սովորականների: Պարզվել է, որ տեսնելով գեղեցկությունը, մարդիկ ինքնաբերաբար այդ կերակուրին համեղություն եւ բարդություն են վերագրում, հաղորդում է «Աշխարհի շուրջ»-ը:
Հետազոտության մասնակիցներից մեկը՝ Kitchen Theory համադամ կերակուրների փորձարարական նախագծի հիմանդիրը, որոշել է օգտագործել հետազոտության արդյունքները եւ ճաշատեսակներ է պատրաստել Պիկասոյի, Մագրիտայի եւ այլոց հայտնի աշխատանքների հիման վրա: Իմիջիայլոց, վերջերս գիտնականները ապացուցել են. ուտելու ժամանակ գործում են մարդու բոլոր զգայարանները՝ տեսողություն, լսողություն, հպման զգացողություն, հոտառություն, համի զգացողություն եւ դրանք բոլորը ազդում են կերակուրի համի ընկալմանը:
