Շան հետ մեկ անկողնում քնելը վնասակար է առողջության համար: Այս կենդանիների բազմաթիվ սիրահարների համար հաճելի է մեկ անկողնում սիրելիի հետ քնելը, սակայն նման համատեղ քունն ազդում է առողջության վրա: Այդ պատճառով բժիշկները խորհուրդ են տալիս շներին անկողին չտանել:
Մասնագետների խոսքով, հնարավոր է՝ հաճելի է քնած ժամանակ ջերմություն զգալը, սակայն գիտափորձի արդյունքում պարզվել է, որ 30% դեպքերում քունն ամուր չի լինում, եթե կողքին սիրելի շունն է լինում: Կենդանու տերը գիշերն առնվազն մեկ անգամ արթնանում է: Իսկ այդ, ըստ MyJane.ru-ի, ազդում է մարդու առողջության վրա:
Կենդանիների տերերի 63%-ը հենց այդ պատճառով էլ վատ է քնում: Անցկացված հետազոտությանը մասնակցել է 300 մարդ: Նրանց շուրջ կեսը քնել է սիրելի կենդանու հետ: Ընդ որում՝ կարեւոր չէ. շա՞ն, թե՞ կատվի: Եվ նրանց մեկ երրորդն անառողջ քուն է ունեցել:
