Արարատի մարզի Նորաշեն գյուղում նախնական տեղեկություններով ինքնասպանություն գործած 25-ամյա երիտասարդը գյուղապետի քեռու թոռն է: Այս մասին NEWS.am-ի թղթակցի հետ զրույցում ասաց Նորաշենի գյուղապետ Արտուշ Սարգսյանը:
Նա նշեց, որ երիտասարդը տառապում էր շիզոֆրենիա հիվանդությամբ, դեպքն էլ եղել է նոպայի պահին: «Նոպայի ժամանակ է եղել դեպքը, տունը մարդ չի եղել, ծնողները Մոսկվայում են, էսօր գալիս են: Եղբայրն էլ է արտերկրում»,-ասաց գյուղապետը: Նա նշեց, որ երիտասարդը զբաղվում էր հողագործությամբ, անասնապահությամբ, ամուսնացած չէր, ապրում էր միայնակ:
Ավելի վաղ հայտնել էինք, որ ահազանգը ստացել են մայիսի 28-ին, ժամը 22.00-ի սահմաններում: Երիտասարդն ինքնասպանություն է գործել իր տան ննջասենյակում որսորդական հրացանով: