Արմավիրի մարզում այսօր՝ հոկտեմբերի 5-ին, 2-ամյա երեխա է մահացել՝ կերակուրից խեղդվելու հետեւանքով:
Վաղարշապատի հիվանդանոցից, որտեղ 2-ամյա Տիգրան Մարուքյանը տեղափոխվել է մահացած, NEWS.am-ին տեղեկացրին, որ տանը նա նրբերշիկ է կերել, որի մի կտորը մնացել է կոկորդում, փակել շնչափողի անցքը:
«Հարեւանուհին պատմեց, որ նրբերշիկ է կերել, խեղդվել է, փորձել են օգնել հանել նրբերշիկը, չեն կարողացել: Երբ բերեցին հիվանդանոց, փորձում էի խողովակ անցկացնել կոկորդով, նկատեցի, որ նրբերշիկը նստած էր շնչափողի անցքին»,- ասաց վերակենդանացման բաժանմունքի բժշկուհի Նաիրա Բասենցյանը:
Բժշկուհին նշեց, որ վերակենդանացման միջոցառումներ են անցկացրել, սակայն երեխայի կյանքը փրկել չի հաջողվել:
