Հակավիրուսային դեղեր անմճար կստանան բոլոր նրանք, ովքեր դրա կարիքն ունեն։ Այս մասին հունվարի 14-ին՝ կառավարության նիստից հետո, ասել է ՀՀ առողջապահության նախարար Արմեն Մուրադյանը՝ անդրադառնալով սուր շնչառական վիրուսային հիվանդությունների աճին։
Նա հիշեցրել է, որ ՀՀ վարչապետի կարգադրությամբ պետվատվերով են ձեւակերպվել նաեւ ՍՇՎ-ով վարակված այն հիվանդները, որոնք ներառված չեն որեւէ սոցիալական ծրագրի մեջ։ Նրանց անվճար ընդունում են հիվանդանոցներ եւ հակավիրուսային դեղեր ու հակաբիոտիկներ են տալիս։
«Մենք աշխարհում այն քիչ երկրներից ենք, որը որոշել է դեղամիջոցներն անվճար տրամադրել»,- նշել է նախարարը։
Նա նշել է, որ նախագահի հրամանով սուր շնչառական հիվանդությունների դեմ կամավոր հիմունքներով պատվաստում է ստացել մոտ 15 հազար մարդ։