Առաջին անգամ կոռուպցիայի դեմ պայքարի հատուկ տեսչական խմբեր են ուղարկվել Չինաստանի ժողովրդական ազատագրական բանակի ստորաբաժանումներ, որպեսզի տեղում ստոգումներ անեն,հայտնում է «ՌԻԱ Նովոստին»՝ վկայակոչելով «Սինհուա» գործակալությունը:
Ընդհանուր առմամբ այս նպատակների համար նախապատրաստվել է տեսուչների 10 խումբ, որոնք անցել են համապատասխան պատրաստում Պեկինում: Այն մասին թե բանակի հատկապես ո՛ր ստորաբաժանումներ են դրանք ուղարկվել, չեն հայտնում:
ՉԺՀ Կենտրոնական ռազմական խորհուրդի փոխնախագահ Սյույ Ցիլյանը հայտնում է, որ տեսուչները պետք է կատարեն երկրի նախագահ Սի Ցզինպինի հանձնարարությունները՝ բանակում կոռուցպայի դեմ պայքարի վերաբերյալ:
Մարտի սկզբին հայտնել էին, որ Չինաստանի Կենտրոնական ռազմական խորհուրդը արգելել է Ժողովրդական ազատագրական բանակին վճարովի ծառայություններ մատուցել: Այսինքն զինվորական ստորաբաժանումներին ու զինված ոստիկանական ջոկաատներին արգելվում էր առեւտրային կազմակերպությունների հետ պայմանագրեր կնքել բանակին վճարովի ծառայություններ տրամադրելու նպատակով: Այդ հրամանը պետք է իրականացվեր երեք տարվա ընթացքում: Արդեն կնքված պայմանագրերը պետք է գործեին մինչեւ դրանց ժամկետի ավարտը ու ալեւս չերկարացվեին: «Սինհուա» գործակալության փոխանցմամբ այդ միջոցառումների նպատակը կոռուպցիայի մակարդակի կրճատումն էր երկրի բանակում: