Ուկրաինան Ադրբեջանին է փոխանցել «Բալթիկ ծով–Սեւ ծով–Կասպից ծով» միջազգային տրանսպորտային միջանցքի ստեղծման մասին համաձայնագրի նախագիծը։ Այս մասին հայտնում է Ուկրաինայի տարածքային զարգացման, շինարարության եւ բնակարանա–կոմունալ տնտեսության նախարարությունը, փոխանցում է Lenta–ն։
Ուկրաինայի փոխվարչապետ Գենադի Զուբկոյի խոսքով՝ տրանսպորտային միջանցքը սինխրոնիզացնում է մի քանի բեռնատար երթուղի եւ կնպաստի տարածաշրջանում փոխադրումների զարգացման համալիր ռազմավարության ձեւավորմանը։
Բացի այց, Զուբկոն նշել է, որ Կեւի եւ Բաքվի միջեւ շարունակվում է «Մետաքսի ճանապարհ» նախագծի հարցով համագործակցությունը, քանի որ Ուկրաինա–Վրաստան–Ադրբեջան–Ղազախստան–Չինաստան փորձնական գնացքի երթուղին ապացուցել է նման փոխադրումների տեխնիկական եւ տեխնոլոգիական հնարավորությունները։
Հիշեցնենք, որ հունիսի 23-ին հայտնի էր դարձել, որ Չինաստանը պլանավորում է 15 մլրդ դոլար ներդնել «Մետաքսի ուղի Տնտեսական գոտի» նախագծում, որը պետք է կապի Հեռավոր Արեւելքը, Կենտրոնական Ասիա եւ Եվրոպան։