նախընտրելի դարձնել
Հայտնի վարժեցնողներ Բաղդասարովների կրկեսախմբի սատկած վագրերի արյան մեջ եւ լյարդում փորձագետներն ուժեղ թույն են հայտնաբերել` էթիլենգլիկոլ:
Հիշեցնենք, նախորդ տարվա դեկտեմբերին, երբ հայտնի վարժեցնողների արդեն յոթերորդ վագրն էր սատկում, Բաղդասարովները հայտարարել էին, որ իրենց կենդանիներին կարող էին թունավորել:
Այն ժամանակ, ըստ վարժեցնողների, սատկած կենդանիներին սկզբում ստուգել էին, սակայն ոչ մի հավանական վարակ չէին հայտնաբերել: Դրանից հետո Բաղդասարովները որոշել էին քիմիական եւ տոքսիկոլոգիական փորձաքննություն անցկացնել:
Արթուր Բաղդասարովը Life News-ին պատմել է, որ փորձագետը քիմիական վերլուծության են ենթարկել կուրացած երկու տարեկան էգ վագր Ուրալի արյունը եւ սատկած կենդանիներից մեկի կենսանյութերը եւ դրանցում էթիլենգլիկոլ հայտնաբերել:
Վարժեցնողները դիմել են ոստիկանություն` կենդանիների թունավորման փաստով քննություն անցկացնելու հայցով:
Ըստ վաժեցնողներ Բաղդասարովների` իրենց վագրերին ինչ-որ մեկը միտումնավոր թունավորել է, որպեսզի խափանի Յուրի Նիկուլինի 90-ամյակին նվիրված խոշոր շրջագայությունը: «Երեւի մենք ինչ-որ մեկին խիստ խանգարում ենք: Չկան կենդանիներ, չկանք եւ մենք, չկա աշխատանք», - ասել է Արթուրը:
