Սիրիայի քրդաբնակ Քոբանիի դեմ իսլամիստների հարձակումները շարունակվում են, սակայն ԱՄՆ եւ կոալիցիոն գործընկերների ավիահարվածներն ու քրդերի դիմադրությունը ստիպել է իսլամիստներին նահաջնել Քոբանիի որոշ շրջաններից:
Քրդական ANF գործակալությունը հայտնել է, թե չնայած վերջին օրերին քուրդ զինյալների հակահարձակման արդյունքում Քոբանիի մի քանի շրջաններից իսլամիստները նահանջել են, սակայն նրանք շարունակում են տարբեր կողմերից գրոհել Քոբանին:
Քուրդ զինյալները նշում են, որ իսլամիստները հարեւան շրջաններից նոր մարդկային եւ տեխնիկական համալրում են ստացել եւ անցել նոր հուժկու հարձակումների:Նշվում է, որ ԱՄՆ-ի գլխավորությամբ իրականացվում են օրական մոտ 20 ավիահարված:
Հիշեցնենք, որ մոտ 33 օր է՝ իսլամիստները հարձակում են իրականացնում քրդաբնակ Քոբանիի դեմ եւ օրեր առաջ գրեթե գրավել էին Քոբանիի 40 տոկոսը, սակայն ավիահարվածների եւ քրդերի դիմադրության շնորհիվ ստիպված են եղել կրկին նահանջել: