Թուրքիա այցելած Հռոմի Պապ Ֆրանցիսկոսը այցելել է Ստամբուլի հայտնի Սուլթանահմեդի մզկիթ եւ աղոթել։
Թուրքական Milliyet-ի փոխանցմամբ՝ Անկարայից Ստամբուլ մեկնած Հռոմի Պապի առաջին կանգառը եղել է Ստամբուլի հայտնի Սուլթանահմեդի մզկիթը (Կապույտ մզկիթ)։
Մզկիթի ներսում Հռոմի Պապին ներկայացրել են մզկիթի պատմությունը եւ ճարտարապետական առանձնահատկությունները։
Ավելի ուշ, Հռոմի Պապը աղոթել է, որի ավարտից հետո նրան ուղեկցող իմամն ասել է. «Աստված ընդունի»։
Ֆրանցիսկոսը 4-րդ պապը կդառնա, որ այցելել է Թուրքիա: Առաջին անգամ այդ երկիր այցելել էր Պողոս պապը՝ 1967թ., այնուհետեւ 1979թ.՝ Հովհաննես-Պողոս II պապը, 2006թ.-ին էլ՝ Բենեդիկտոս XVI պապը:
