News
Լրահոս
News
Շաբաթ
Սեպտեմբեր 18
Տեսնել լրահոսը

Շորթման եղանակով ուրիշի գույքի հափշտակություն կազմակերպելու մեջ մեղադրվող, ոստիկանության նախկին աշխատակից, ոստիկանության մայոր Վարդան Ղուկասյանը (Դոգ) դատապարտվեց 4 տարվա ազատազրկման: Այսօր հուլիսի՝ 23-ին, նման որոշում կայացրեց Կենտրոն եւ Նորք-Մարաշ վարչական շրջանների ընդհանուր իրավասության դատարանը:

Նախքան վճռի հրապարակումը Վարդան Ղուկասյանը իր վերջին խոսքում ասաց, որ ինքը միայն զղջում է նրա համար, որ վստահել է «ոստիկանության շեստյոռկեքին», որոնք իրականացրել են շորթումը՝ վստահելով, որ մեկը ոստիկանությունում է աշխատել, մյուսը «շտատնի սատրուդնիկ է եղել»:

Վարդան Ղուկասյանը դատախազ Վահագն Պողոսյանին մեղադրեց գործի մասնակիցների նկատմամբ ընտրողական մոտեցման մեջ` ընդգծելով, որ նույն շորթման գործով բազմաթիվ պետական պաշտոնյաների չի ներգրավել գործի քննության մեջ, նույնիսկ առերեսում չի կազմակերպել։ Ղուկասյանի կարծիքով` մեղադրողը շատ խիստ պատիժ է իր համար պահանջել (4.5 տարվա ազատազրկում):

Նույն գործով մյուս մեղադրյալներ Հովհաննես Եսայանը եւ Արթուր Մարգարյանը, որոնց համար մեղադրողը պահանջել էր 4 տարվա ազատազրկում, դատապարտվեցին 3 տարվա ազատազրկման եւ համաներմամբ ազատվեցին պատիժը կրելուց։

Նշենք որ Վարդան Ղուկասյանը կալանավորված էր, իսկ մեղադրյալներից Արթուր Մարգարյանի եւ Հովհաննես Եսայանի նկատմամբ խափանման միջոց էր ընտրվել ստորագրությունը չհեռանալու մասին:

Հիշեցնենք, որ ոստիկանության մայոր Վարդան Ղուկասյանին ՀՀ քրեական օրենսգրքի 38-182-րդ հոդվածի 2-րդ մասի 2-րդ եւ 3.1 կետերով մեղադրանք էր առաջադրվել այն բանի համար, որ նա 2013թ. օգոստոսին կազմակերպել եւ ղեկավարել է Հովհաննես Եսայանի եւ Արթուր Մարգարյանի կողմից հյուրանոցային համալիրի վարձակալից խոշոր չափերով` 1 մլն. ՀՀ դրամի շորթումը:

Նախաքննությամբ հիմնավորվել էր, որ Վարդան Ղուկասյանը 2013թ. օգոստոսի սկզբին հյուրանոցային համալիրի վարձակալ Աստղիկ Շաքարյանից գումար շորթելու դիտավորությամբ իր մտերիմ Հովհաննես Եսայանին հանձնարարել է տեսանյութեր նկարահանել այդ համալիրի մոտ պարբերաբար մարմնավաճառությամբ զբաղվող կանանց վերաբերյալ:

Տեսանյութերը պատրաստելուց հետո Վարդան Ղուկասյանի ցուցումով Հովհաննես Եսայանը եւ իրենց ընկեր Արթուր Մարգարյանը նույն ամսին սրճարաններում հանդիպումներ են ունեցել Աստղիկ Շաքարյանի հետ ու նրանից պահանջել խոշոր չափերով` 1 մլն. ՀՀ դրամ` սպառնալով հակառակ դեպքում համացանցում հրապարակել վերջինիս իրավունքներին ու օրինական շահերին էական վնաս հասցնող տեղեկություններ, այն է` Աստղիկ Շաքարյանին վերագրվող` այլ անձանց` պոռնկությամբ զբաղվելուն նպաստելու վերաբերյալ տեսանյութեր:

Աստղիկ Շաքարյանի կողմից գումարի չափը սակարկվելուց հետո Վարդան Ղուկասյանի համաձայնությամբ ու ցուցումով Հովհաննես Եսայանը պահանջել եւ 2013թ. օգոստոսի 22-ին եւ 23-ին բանկային փոխանցումների միջոցով ստացել է ընդհանուր 500 հազ. ՀՀ դրամ:

Հիշյալ քրեական գործի նախաքննության ընթացքում ՀՀ քրեական օրենսգրքի 182-րդ հոդվածի 2-րդ մասի 2-րդ եւ 3.1-րդ կետերով մեղադրանք էր առաջադրվել նաեւ Արթուր Մարգարյանին եւ Հովհաննես Եսայանին:

Տպել
Կարդացեք նաև
Ամբողջը
Տղամարդը զոհվել է Վարշավայում բուժաշխատողների բողոքի ցույցի ժամանակ
Տղամարդը կյանքին սպառնացող վիրավորում է ստացել ցույցի ժամանակ եւ մահացել...
Երևանում վրաերթի է ենթարկվել ոստիկանության շտաբի պետի տեղակալը. վարորդը դեպքի վայրից դիմել է փախուստի
Վրաերթի ենթարկվածը մարմնական վնասվածքներով տեղափոխվել է «Արմենիա» բժշկական կենտրոն…
Քննարկվել են ճանապարհային անվտանգության բարելավմանը, ՃՏՊ-ների կանխարգելմանն ուղղված հարցեր
Ճանապարհային ոստիկանության ներկայացուցիչները, ներկայացնելով ՃՏՊ-ների հետ կապված վերջին տարիների վիճակագրությունը, նշել են, որ վթարներից զոհերը…
Երևանում ՌԴ քաղաքացին Բաղրամյան պողոտայում գործող բանկի պատուհանը կոտրել և մտել է ներս. նրան վնասազերծել են (ֆոտո)
Ոստիկանները, մտնելով ներս, կարողացել են այդ տղամարդուն վնասազերծել, որից հետո օպերատիվորեն ժամանել են…
Ջալալաբադում տեղի ունեցած պայթյունի հետեւանքով առնվազն երեք մարդ է զոհվել
Եվս 18 մարդ վիրավորվել է...
«Արևիկ» ազգային պարկի տարածքում վերսկսվել են հրդեհաշիջման աշխատանքները. Մասնակցում են 86 փրկարար եւ 12 աշխատակից
Մթության և ճանապարհի դժվարանցանելիության պատճառով ընթացքը ժամանակավորապես դադարեցվել է․ «Արևիկ» ազգային պարկի 5 աշխատակից տեղում…
Ամենաշատ