News
Լրահոս
News
Երեքշաբթի
Հոկտեմբեր 17
Տեսնել լրահոսը

«Ժառանգություն» կուսակցությունը խստորեն դատապարտում է Հայաստանի գործող իշխանությունների եւ անձամբ դե-ֆակտո նախագահ Սերժ Սարգսյանի՝ վերջին օրերին ուժգնացած հակաօրինական գործողությունների հրահանգումը, կազմակերպումն ու իրագործումը:

Կուսակցության հայտարարության մեջ ասվում է.

«Արհամարհելով Հայաստանի Հանրապետության ամբողջ ժողովրդի պահանջը, քաղաքական եւ հասարակական մի շարք դերակատարների, մտավորականության, ինչպես նաեւ ի դեմս ԵՄ-ի եւ ԱՄՆ-ի միջազգային հանրության հորդորները հանգուցալուծել ՊՊԾ գնդի շուրջ ստեղծված իրավիճակը բացառապես խաղաղ ճանապարհով, դե-ֆակտո իշխանությունները ընտրել են արյունահեղության ուղին, ինչը դրսեւորվեց բանակցությունների հրավիրված եւ հրազենից դավադրաբար վիրավորված Պավել Մանուկյանի, ապաեւ նրա որդու՝ Արամ Մանուկյանի դեպքում:

«Ժառանգություն» կուսակցությունն արձանագրում է, որ.

– 1999-ի հոկտեմբերի 27-ի ահաբեկչական գործողության պատվիրատուներն ու աջակիցները մինչ այժմ բացայատված չեն.

– 2008թ. մարտի մեկին դե-ֆակտո իշխանությունների կողմից 10 խաղաղ քաղաքացիների սպանությունն իրագործողներից եւ նրանց հրաման տվողներից որեւէ մեկը պատասխանատվության ենթարկված չէ.

– Երկրում համատարած կիրառվում է ընտրովի արդարադատություն, որի արդյունքում մարդասպանները չեն դատապարտվում, իսկ ամենաաննշան զանցանքը, սեփական քաղաքական հայացքների ոչ ստանդարտ ձեւով խաղաղ արտահայտելը կարող է պատճառ դառնալ քաղաքացու տարիներով ազատազրկման: Արդյունքում ունենք 15 քաղբանտարկյալ, իսկ այժմ էլ՝ շինծու մեղադրանքներով տասնյակից ավելի ձերբակալվածներ.

– «Ժառանգություն» կուսակցության մամլո խոսնակ, Երեւան քաղաքի ավագանու անդամ Դավիթ Սանասարյանը ապօրինի բերման է ենթարկվել, դաժանաբար ծեվծել է, որի արդյունքում նա կորցրել է գիտակցությունը. բժշկական հաստատությունում նրա մոտ ախտորոշել են ուղեղի ցնցում եւ բազմաթիվ վնասվածքներ՝ գլխի եւ մարմնի վրա: Նույն կերպ դաժան ծեծի են ենթարկվել մի շարք քաղաքացիական ակտիվիստներ:

– Վերջապես, երեկ՝ հուլիսի 27-ին, ընդամենը խաղաղ հանրահավաքի մասնակցելուն շտապող հարյուրավոր քաղաքացիներ կեղծ, շինծու մեղադրանքով, իբր անկարգություններին մասնակցելու համար, բերման են ենթարկվել: Բերման ենթարկվածների թվում են եղել նաեւ «Ժառանգություն» կուսակցության վարչության փոխնախագահ Արմեն Մարտիրոսյանը, Նախախորհրդարանի եւ Հակաճգնաժամային խորհրդի մի շարք անդամներ:

– Հայաստանում դադարել են գործել իրավապահ մարմինները, քանի որ հակաօրինական գործողությունները, որոնք ավանդաբար եւ պարբերաբար կիրառվել են իշխանությունների կողմից, կարելի է որակել որպես սեփական քաղաքացիների ահաբեկմանն ուղղված պատժիչ գործողություններ:

Այս ամենը գալիս է հիմնավորելու այն փաստը, որ «Սասնա Ծռեր»-ը հակաահաբեկչական խումբ է:

Իսկ այն համաժողովրդական աջակցությունը, որը դրսեւորվեց «Սասնա Ծռեր»-ի հանդեպ փաստում է, որ ամբողջ ժողովուրդը դարձել է իշխանությունը բռնազավթած վարչախմբի պատանդը, սակայն դեռ չի կորցրել հույսը ազատագրվելու եւ կառուցելու իր երազանքների Հայաստանը՝ ազատ, արդար եւ հզոր:

«Ժառանգություն» կուսակցությունը պահանջում է գործող դե-ֆակտո իշխանություններից.

– Անհապաղ թույլ տալ սնունդ, ջուր եւ դեղորայք հասցնել ՊՊԾ գնդում պատսպարված «Սասնա Ծռեր» խմբի անդամներին, ապաեւ վերսկսել նրանց հետ բանակցությունները՝ խնդիրը անարյուն հանգուցալուծման հասցնելու նպատակով,

– Վերականգնել Հայաստանի Հանրապետությունում իրավապահ համակարգի գործունեությունը, անհապաղ ազատ արձակել բոլոր քաղբանտարկյալներին եւ վերջին օրերին քաղաքական դրդապատճառներով ձերբակալված մյուս քաղաքացիներին եւ պատասխանատվության ենթարկել խաղաղ քաղաքացիների հանդեպ ապօրինություններ եւ բռնություններ գործադրած իրավապահ մարմինների ներկայացուցիչներին,

– Ձեւավորել ժողովրդական վստահության ժամանակավոր կառավարություն, որը կնախապատրաստի եւ կանցկացնի արտահերթ նախագահական եւ խորհրդարանական ընտրություններ՝ արդեն այս տարվա դեկտեմբեր ամսին:

Կոչ ենք անում մեր համաքաղաքացիներին դուրս գալ փողոց, մասնակցել հանրահավաքներին, իրենց բողոքի ձայնն արտահայտել ընդդեմ իշխանությունների ապօրինությունների եւ թույլ չտալ իշխանություններին շարունակելու արյունահեղությունը:

Կոչ ենք անում միջազգային հանրությանը՝ արձագանքել Հայաստանում դե-ֆակտո իշխանությունների սանձազերծած համատարած պատժիչ գործողություններին, բռնաճնշումներին, մարդու իրավունքների զանգվածային խախտումներին:

Տպել
Կարդացեք նաև
Ամբողջ
Դատարանը պաշտպանի հայտարարության ժամանակ մատ է տնկում. Դատավորին ինքնաբացարկի միջնորդություն ներկայացվեց
Դատարանը նշեց, որ պաշտպանների միջնորդությունը հիմնավոր չէ...
Վկաներն անընդհատ բացակայում են. Սարի թաղում անչափահասի սպանության գործով նիստերը չեն կայանում
Նյարդային խնդիրներ ունի՝ լարվածություն կա նրա մոտ...
ՄԻԵԴ-ը արդյոք լիազորություն ունի՞ որոշելու, թե ով է քաղբանտարկյալը. Կարո Եղնուկյանի նամակը՝ Սվիտալսկիին
ՀՀ-ԵՄ նոր համաձայնագիրը Ասոցացման համաձայնագրի խիստ սահմանափակ եւ անատամ տարբերակն է…
Միջադեպերը նվազումը պայմանավորված է նրանով, որ հայկական կողմերն ավելի պատրաստ են դրանց. Շավարշ Քոչարյան
Ընդհանուր առմամբ մենք գիտենք, որ Ադրբեջանի նպատակն անընդհատ վնաս հասցնելն է: Դա իրեց հետեւողական քաղաքականությունն է...
Դատավորը դժվարացավ անմիջապես մերժել Անդրիաս Ղուկասյանի խափանման միջոցը փոխելու միջնորդությունը
Նշենք, որ Անդրիաս Ղուկասյանը մեղադրվում է 2016 թվականի հուլիսի 29-ին Սարի թաղում...
Ընթանում է Անդրիաս Ղուկասյանի գործով դատական նիստը
Անդրիաս Ղուկասյանը մեղադրվում է 2016 թվականի հուլիսի 29-ին Սարի թաղում զանգվածային անկարգություններ հրահրելու մեջ...
Ամենաշատ
Ֆոտոռեպորտաժներ
Partner news