Սուր շնչառական վիրուսներով եւ գրիպով պայմանավորված` դասապրոցեսը դադարեցնելու անհրաժեշտություն չկա: Այս մասին այսօր` դեկտեմբերի 2-ին, լրագրողների հետ հանդիպմանն ասաց Կրթության եւ գիտության նախարար Լեւոն Մկրտչյանը:
«Տպավորություն կա հասարակության մեջ, որ այդ որոշումները կայացնում ենք մենք, սակայն դասապրոցեսը դադարեցվում է միայն առողջապահության նախարարության համապատասխան որոշմամբ: Երեկ եմ խոսել առողջապահության նախարարի հետ, նա ասաց, որ արդեն հիվանդ երեխաների թվի նվազման միտում կա»,- ասաց նախարարը:
Լեւոն Մկրտչյանի խոսքով` բոլոր այն դպրոցները, որտեղ հիվանդ երեխաների թիվը գերազանցում է 15 տոկոսը, կատարվում են պրոֆիլակտիկ գործողություններ:
Նշենք, որ վերջին շաբաթներին սուր շնչառական վիրուսների աճման միտում է նկատվում: