Հայաստանում կա միջին մակարդակի կրթություն: Այս մասին այսօր` դեկտեմբերի 23-ին,լրագրողների հետ հանդիպման ժամանակ ասաց ՀՀ կրթության եւ գիտության նախարար Լեւոն Մկրտչյանը:
«Մենք ունենք միջին մակարդակի կրթություն, ինչու ենք դժգոհ: Դժգոհ ենք, որովհետեւ մարտահրավերները շատացել են մեր երկրում եւ աշխարհի կրթական ոլորտում եղած մրցակցությունը պահանջում է կրթական ոլորտի բարձրացում»,-ասաց նա:
Լեւոն Մկրտչյանը նշեց, որ հարուստ երկրներում Կրթության եւ գիտության նախարարի խնդիրը կրթության որակի բարձրացումն է միայն, իսկ Հայաստանի նման երկրներում նախարարի վրա նաեւ դրվում է սոցիալական վիճակի լուրջ պատասխանատվություն:
«Գյուղական վայրերում դեռեւս դպրոցներ ունենք, որոնք լուրջ խնդիրներ ունեն շենքային պայմանների եւ դրանք պետք է լուծվեն: Այսինքն որակի հարց չի կարող դրվել, եթե այդ դպրոցում տարրական պայմաններ չկան»,-ասաց նա: