Մոսկվա-Երեւան եւ Երեւան-Մոսկվա ուղղություններով թռիչքներն այսօր՝ դեկտեմբերի 28-ին, եղանակային վատ պայմանների պատճառով հետաձգվել են: Ինչպես NEWS.am-ը տեղեկանում է «Զվարթնոց» օդանավակայանի պաշտոնական կայքից, հետաձգվել է Մոսկվայից Երեւան ժամանող 4 թռիչք:
Նշենք, որ Մոսկվայի օդանավակայաններում վատ եղանակի պատճառով չեղարկվել է շուրջ 29 ավիաչվերթ։
Ավելի վաղ gazeta.ru կայքը գրել էր, որ «Դոմոդեդովո» օդանավակայանում չեղյալ է հայտարարվել 7 չվերթ, եւս 7-ը հետաձգվել է։ «Շերեմետեւոյում» չեղարկվել է 22 չվերթ, 6-ը՝ հետաձգվել։ Պատճառը Մոսկվայում սպասվելիք ձյունն ու մառախլապատ եղանակն է:
«Վնուկովո» օդանավակայանի չվացուցակում փոփոխություններ չեն գրանցվել։