ԱՄՆ Կոնգրես բանաձեւ է մտցվել նախագահին թույլ տալու Իրանի դեմ ռազմական ուժ կիրառել, եթե փորձի միջուկային զենք ստանալ: Բանաձեւի տեքստը հրապարակվել է Կոնգրեսի կայքում, փոխանցում է Lenta-ն:
Փաստաթղթում նշված է, որ «Միացյալ Նահանգները պետք է անհրաժեշտ ամեն ինչ անի երաշխավորելու համար Իրանի կողմից միջուկային զենք ստանալու անհնարինությունը»: Նշվում է, որ «նման ձգտումը այսուհետեւ եւս տարածաշրջանը կապակայունացնի» եւ «սպառնալիք կներկայացնի ոչ միայն ԱՄՆ-ի, այլեւ նրա դաշնակիցների համար»:
ԱՄՆ նախագահին իրավունք է վերապահվում Իրանի դեմ ռազմական ուժ կիրառել՝ թույլ չտալու համար միջուկային զենքի ստացումը, եթե անհրաժեշտ համարի: Բանաձեւը ներկայացրել է դեմոկրատ Էլսի Հասթինգսոնը, որը Իրանի հետ միջուկային գործարքի ամենահետեւողական հակառակորդներից մեկն է:
Թրամփը նախընտրական արշավի ընթացքում բազմիցս քննադատել է իրանական միջուկային գործարքը եւ խոստացել է այն վերանայել: Սակայն Թեհրանում հայտարարել են, որ նա իրավունք չունի հրաժարվելու արդեն ձեռք բերված համաձայնություններից: