Հայաստանում հարկավոր է ավելացնել պայմանագրային զինծառայողների թիվը: Փետրվարի 25-ին «Օհանյան-Րաֆֆի-Օսկանյան» դաշինքի առաջին համագումարի ժամանակ ունեցած ելույթում այս մասին հայտարարեց Հայաստանի պաշտպանության նախկին նախարար Սեյրան Օհանյանը:
Նրա խոսքով՝ պայմանագրային զինծառայողների միջին աշխատավարձը պետք է հասնի 240 հազար դրամի:
«Սպայական միջին աշխատավարձը պետք է հասնի 480 հազար դրամի: Դա բյուջեին շուրջ 50 մլրդ դրամ կարժենա: Դրա շնորհիվ մենք կբարձրացնենք զինվորական ծառայության գրավչության մակարդակը եւ կբարելավենք մեր հրամանատարական կազմի սոցիակալան կարգավիճակը»,- ընդգծեց Սեյրան Օհանյանը: