Երեւանի Երվանդ Քոչար փողոցում այսօր՝ ապրիլի 28-ին, BMW մակնիշի ավտոմեքենան քաղաքացիների է վրաերթի ենթարկել:
«Ա1+»-ի տեսախցիկը ֆիքսել է այն ավտոմեքենան, որով տեղի է ունեցել ավտովթարը։ Վարորդն այն թողել է շենքերից մեկի բակում և հեռացել։
Մեքենայի դիմապակին կիսով չափ փշրված է , դիմացի պետհամարանիշը բացակայում է։
NEWS.am-ին ոստիկանության մամուլի ծառայությունից տեղեկացրին, որ ոստիկանություն ահազանգ է ստացվել, որ Երվանդ Քոչար 19 շենքի մոտ քաղաքացիներ են վրաերթի ենթարկվել, այս պահին զոհերի մասին տեղեկություններ չկան:
Նշենք, որ Երեւանի քաղաքապետ, քաղաքապետի թեկնածու Տարոն Մարգարյանի հանդիպումը Կենտրոն համայնքի բնակիչների հետ տեղի է ունեցել նույն վայրում, գրեթե նույն ժամին:
Լուսանկարները՝ «Ա1+»-ի