Կառավարությունը պետք է օրենքների եւ որոշումների նախագծերը ժամանակին կազմի: Մայիսի 11-ին կայացած ՀՀ կառավարության նիստում այս մասին հայտարարել է վարչապետ Կարեն Կարապետյանը:
Կառավարության աշխատակազմի ղեկավար, նախարար Դավիթ Հարությունյանը զեկուցել է, որ բազմաթիվ դեպքերում առաջարկվող որոշումները չեն բխել օրենքներից, այլ դեպքերում էլ չեն ներկայացվել սահմանված ժամկետներում:
«Հարկավոր է հետեւել, որպեսզի իրավական ակտերի նախագծերը ներկայացվեն՝ սահմանված ժամկետները խստորեն պահպանելով»,- ընդգծել է վարչապետը: