Հայաստանի ԱԻՆ-ում, մայիսի 14-ին, ժամը 21:50-ին ահազանգ է ստացվել, որ Երեւան քաղաքի Կիեւյան փողոցի թիվ 9 հասցեում գտնվող Ղ. Աղայանի անվան թիվ 63 հիմնական դպրոցի մոտակայքում տեղի է ունեցել ավտովթար, կա տուժած. անհրաժեշտ է փրկարարների օգնությունը:

Դեպքի վայր է մեկնել մեկ մարտական հաշվարկ:

Պարզվել է, որ «Շանթ» հեռուստաընկերության մոտ, բախվել են «Toyota Yaris» մակնիշի 18 ՕՏ 623 (վարորդ՝ 38-ամյա Հ. Մ.), «Mitsubishi Pajero» մակնիշի 70 DV 008 (վարորդ` 28-ամյա Է. Կ.) եւ «Mercedes CLK 430» մակնիշի 26 OO 039 (վարորդ` 35-ամյա Հ. Գ.) համարանիշերի ավտոմեքենաները:

Փրկարարները հոսանքազրկել են ավտոմեքենաները, փակել «Mitsubishi Pajero» եւ «Mercedes CLK 430» մակնիշի ավտոմեքենաների գազի բալոնների փականները, բացել «Toyota Yaris» մակնիշի ավտոմեքենայի դուռը, վարորդին դուրս բերել ավտոմեքենայից եւ մոտեցրել շտապօգնության ավտոմեքենային:

Մինչ փրկարարների՝ կանչի վայր հասնելը «Toyota Yaris» մակնիշի ավտոմեքենայից ինքնուրույն դուրս եկած ուղեւոր՝ 25-ամյա Հ. Հ.-ն եւ վարորդը հոսպիտալացվել են «Արմենիա» ՀԲԿ, որտեղ Հ. Հ.-ը ստանալով համապատասխան բուժօգնություն՝ դուրս է գրվել, իսկ վարորդի առողջական վիճակը բժիշկները գնահատել են ծանր: