Հայաստանի ԱԻՆ-ում, այսօր՝ մայիսի 15-ին, ժամը 23:46-ին ահազանգ է ստացվել, որ Երեւան քաղաքի «Էրեբունի» ԲԿ-ի մոտակայքում տեղի է ունեցել ավտովթար՝ ավտոմեքենան բախվել է սյանը, առկա է գազի արտահոսք. անհրաժեշտ է օգնություն:

Դեպքի վայր է մեկնել երկու մարտական հաշվարկ: 

Պարզվել է, որ «Jeep Grand Cherokee» մակնիշի 34 LP 444 համարանիշի ավտոմեքենան (վարորդի ինքնությունը չի հաջողվել պարզել) բախվել է էլ. սյանը: Մինչ փրկարարների կանչի վայր հասնելը` քաղաքացի՝ 52-ամյա Մ. Յ.-ն դուրս է բերվել տեղի ուժերով եւ հոսպիտալացվել «Էրեբունի» ԲԿ, որտեղ նրա առողջական վիճակը բժիշկները գնահատել են ծանր:

Ավտոմեքենան հոսանքազրկվել է:

Փրկարարները սահմանազատել են տարածքը, դադարեցրել ավտոմեքենայի գազի արտահոսքը եւ իրականացրել ճանապարհի լվացման աշխատանքներ: