Արագածոտնի մարզում, այսօր՝ մայիսի 16-ին, խոշոր ավտովթարի հետեւանքով տուժած 5 քաղաքացիներից 4-ը ամբուլատոր բուժօգնություն ստանալուց հետո դուրս են գրվել Թալինի հիվանդանոցից, իսկ մեկը տեղափոխվել է Երեւան: NEWS.am-ին հիվանդանոցից հայտնեցին, որ հիվանդանոց տեղափոխված երկու անչափահասները լուրջ վնասվածքներ չեն ստացել, նրանք բուժօգնություն ստանալուց հետո դուրս են գրվել, վարորդը, որը ստացել է աչքի վնասվածք, տեղափոխվել է «Ս.Վ.Մալայանի անվան ակնաբուժական կենտրոն»:

Ավելի վաղ տեղեկացրել էինք, որ այսօր  տեղի է ունեցել ավտովթար. ժամը 09։50-ի սահմաններում Երեւան-Գյումրի ավտոճանապարհի 73-րդ կմ հատվածում՝ Թալինի վարչական տարածքում, բախվել են «ՎԱԶ 2106» մակնիշի 34 NR 477 համարանիշի եւ Volkswagen Passat մակնիշի 29 ՏՏ 420 համարանիշի ավտոմեքենաները։