Կոտայքի մարզի Հրազդան քաղաքում մայիսի 15-ին կանաչապատ տարածքում արկղի մեջ մահացած հայտնաբերված նորածնի վրա բռնության հետքեր չեն հայտնաբերվել:
Ըստ Քննչական կոմիտեի տարածած հաղորդագրության՝ մայիսի 15-ին մայիսի 15-ին ահազանգ է ստացվել, որ Հրազդանի Շահումյան փողոցի թիվ 10 հասցեում գտնվող կանաչապատ հատվածում՝ խոտերի վրա՝ թղթե արկղի մեջ, հայտնաբերվել է արական սեռի նորածին երեխայի դիակ՝ պոլիէթիլենային պարկով փաթաթված:
Նորածնի մահվան հանգամանքները պարզելու համար նշանակվել է դատաբժշկական փորձաքննություն, որի կատարման ընթացքում դատաբժիշկների կողմից բռնության հետքեր երեխայի վրա չեն հայտնաբերվել։
Հանձնարարություն է տրվել ոստիկանության ստորաբաժանումներին ձեռնարկել անհրաժեշտ միջոցառումներ՝ նորածնի մոր, ինչպես նաև փոքրիկի մարմինը նշված տարածք տեղափոխած անձի (անձանց) ինքնությունը պարզելու ուղղությամբ։
