News
Լրահոս
News
Հինգշաբթի
Հոկտեմբեր 17
USD
476.76
EUR
526.2
RUB
7.42
ME-USD
0.07
Տեսնել լրահոսը

Ռուսաստանում Պերմյակովը լիարժեք պատիժ կկրի: Մայիսի 18-ին՝ նոր գումարման ԱԺ առաջին նիստի շրջանակում լրագրողների հետ զրույցում այս մասին ասաց Հանրապետական կուսակցությունից ընտրված պատգամավոր, նախկին գլխավոր դատախազ Գեւորգ Կոստանյանը:

Անդրադառնալով Պերմյակովին Ռուսաստանին արտահանձնելու հարցին՝ նա նշեց, որ դատապարտյալին իր քաղաքացիության երկիր ուղարկելը պայմանագրային դրույթ է, որը գործում է 1946 թվականից: «Սա տարածվում է աշխարհի բոլոր երկրների վրա: Երբ հանցագործություն կատարած անձը հանձնվում է իր քաղաքացիության երկրին, դա երկրի արժանապատվության ոտնահարում չէ: Այս տարիներին մեծ թվով հայեր են հանձնվել այստեղ պատիժը կրելու համար: Եվ սա չի նշանակում, որ մյուս երկրի արժանապատվությունը նվաստացվել է: Մենք չենք կարող սա այդքան հիվանդագին ընդունել, քանի որ խոսքը ընդամենը իրավական գործընթացների մասին է»,- ընդգծեց Կոստանյանը: 

Ռուսաստանում դատապարտված Հրաչյա Հարությունյանի հետ Պերմյակովի փոխանակման հնարավորության առնչությամբ նա ասաց, որ հանցագործությունների տարբերությունը ոչ մի կապ չունի դատապարտյալներին ուղարկելու եւ հանձնելու գործընթացի հետ: «Մենք խոսում ենք ոչ թե դատապարտյալների փոխանակության, այլ դատապարտյալին հանձնելու մասին: Երկրները պետք է երաշխավորեն պատժի կրման գործընթացը: Սա նույնպես պայմանագրային գործընթաց է»,- նշեց նախկին գլխավոր դատախազը: 

Հարցին՝ Պերմյակովը Ռուսաստանում պատիժը լիարժե՞ք կկրի, Գեւորգ Կոստանյանը պատասխանեց. «Սա բխում է պայմանագրային պարտավորություններից: Եվ եթե որեւէ երկիր խախտում է իր պայմանագրային պարտավորությունները, դա այլ հետեւանքների կհանգեցնի»:

Հայկական որոշ լրատվամիջոցների հրապարակումների համաձայն՝ պատրաստվում են Վալերի Պերմյակովին փոխանակել Հրաչյա Հարությունյանի հետ, որը պատիժ է կրում Ռուսաստանում:

Հիշեցնենք, որ ողբերգությունը տեղի էր ունեցել 2015-ի հունվարի 12-ին։ Համաձայն մեղադրական եզրակացության` 2015 թվականի հունվարին Հայաստանում ռուսական ռազմաբազայի զինծառայող Վալերի Պերմյակովը ներխուժել է Ավետիսյան ընտանիքի տուն ու կյանքից զրկել յոթ մարդու, այդ թվում` երկու երեխաների: Դրանից հետո նա թողել է համազգեստը, հրացանն ու անհետացել: Ռուս սահմանապահները նրան հայտնաբերել են Թուրքիայի սահմանի մերձակայքում: 2015 թվականի օգոստոսի 12-ին ռուսական կայազորային դատարանը Պերմյակովին դատապարտել է տասը տարվա ազատազրկման: Օգոստոսի 23-ին Հայաստանի Շիրակի մարզի դատարանը Պերմյակովին մեղավոր է ճանաչել յոթ մարդու սպանության մեջ եւ նրան ցմահ ազատազրկման դատապարտել:

Հրաչյա Հարությունյանը վարել է մանրախճով բեռնված բեռնատարի ղեկին, որը 2013 թվականի հուլիսի 13-ին Պոդոլսկի մոտ մխրճվել է ավտոբուսի մեջ: Վթարի հետեւանքով 18 մարդ զոհվել է: Դատարանի վճռով Հարությունյանը դատապարտվել է 6 տարի 9 ամիս ժամկետով ազատազրկման՝ ընդհանուր ռեժիմի գաղութում:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Ավետիսյանների ընտանիքի սպանությունից չորս տարի է անցել
Միաժամանակ, շատ իրավապահների մոտ կասկածներ են մնում, թե արդյոք հանցագործությունը ամբողջովին բացահայտված է․․․
Ավետիսյանների ընտանիքի անդամների դաժան սպանության գործով ՍԴ-ի որոշումը հետաձգվեց
Տուժող կողմի ներկայացուցիչ Արամազդ Կիվիրյանը դատարանի այդ դիրքորոշումը բողոքարկել է վերադաս դատական ատյաններ...
Ավետիսյանների սպանության գործի կապակցությամբ դիմում է ներկայացվել Սահմանադրական դատարան
Այն վերաբերում է Ավետիսյանների ընտանիքի սպանության գործով փաստաբանների ներկայացրած քաղաքացիական հայցի կապակցությամբ օրենսդրական դրույթին․․․
Պերմյակովին ՌԴ-ին հանձնելու մասին հայտարարությունը անգրագիտություն է. Փաստաբան
Իրավաբանության, միջպետական համաձայնագրերի, միջազգային նորմերի հետ աղերս չունի...
Վալերի Պերմյակովին այսօր փոխանցել են Ռուսաստանին
ՀՀ արդարադատության նախարարություն էր ստացվել Ռուսաստանի Դաշնության դատարանի որոշումը...
Հայաստանի եւ Ռուսաստանի իրավասու մարմինները քննարկում են Պերմյակովին հանձնելու հարցը. ԱՆ
Արդարադատության նախարարության պարզաբանումը Պերմյակովին փոխանցելու մասին...
Ամենաշատ
Ֆոտոռեպորտաժներ