Ֆրանսիայի Մարսել քաղաքի թաղամասերից մեկում մայիսի 26-ին շենքերից մեկում բռնկված խոշոր հրդեհի հետեւանքով մահացած Քոչարյանները Հայաստանի քաղաքացիներ են: Այս մասին այսօր՝ մայիսի 26-ին, NEWS.am-ի հետ զրույցում ասաց ԱԳՆ մամուլի խոսնակ Տիգրան Բալայանը:
Հրդեհի հետեւանքով զոհվել է Քոչարյանների ընտանիքի 3 անդամ, իսկ ընտանիքի հայրը՝ Արսեն Քոչարյանը, մարմնի 70 տոկոս այրվածքներով տեղափոխվել է հիվանդանոց: Մահացածներն են Սամանտա Քոչարյանը, Արսեն Քոչարյանի կինը եւ երկու տարեկան թոռնիկը՝ Ալիսոն:
Հրդեհը բազմահարկ շենքում բռնկվել է ժամը 03.00-ի սահմաննում։ Ավելի քան 20 բնակիչ է տարհանվել: Հրդեհը բռնկվել է 12-րդ շրջանում գտնվող չորս հարկանի շենքի առաջին հարկում։ Հրդեհաշիջման աշխատանքների համար ուղարկվել է 70 հրշեջ։